जेठ १३, २०७८
चाैतारा : चौतारा साँगाचोकगढी नगरपालिकाले काेराेना भाइरस विरुद्धको खोप खरिदको लागि सरकारसँग अनुमति माग गरेको छ ।
नगरपालिकाको बिहीबार बसेको नगर कार्यपालिकाको बैठकले आफैँ खोप किन्ने निर्णय गर्दै सरकारसँग खरिद अनुमति मागेको हो ।
बैठकको निर्णयपछि नगरले बिहीबारै खोप खरिदका लागि अनुमति दिन स्वास्थ्य तथा जनसंख्या मन्त्रालयलाई पत्राचार गरेको छ ।
नगरले मन्त्रालयलाई लेखेको पत्रमा भनिएको छ,
‘सम्भव भएसम्म संघीय सरकारबाटै खोप उपलब्ध गराई पाऊँ । सम्भव नभए खोप खरिदको लागि अनुमति पाउन अनुरोध गरिन्छ।’
नगरभित्रको ५१ हजार जनसंख्यामध्ये ३० हजारलाई खोप दिने दिनुपर्ने पत्रमा उल्लेख छ। ।
काेराेनाको दोस्रो लहर सुरु भएपछि जिल्लाका १२ स्थानीय तहमध्ये चौतारा सबैभन्दा बढी प्रभावित छ। दोस्रो लहरयता ७ सय ३७ नगरवासी कोरोना संक्रमित भएका छन्। हालसम्म ९४ कोरोनामूक्त भएका छन् भने सातको मृत्यु भइसकेको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस