प्रधामन्त्री ओलीले लिए सपथ, मन्त्रिपरिषदमा पुरानै मन्त्री (नामावलीसहित)

२०७८ बैशाख ३१, शुक्रबार मा प्रकाशित ३ साल अघि

बैशाख ३१, २०७८

काठमाडौं : नवनियुक्त प्रधानमन्त्री केपी शर्मा ओलीले पद तथा गोपनीयताको सपथ ग्रहण गरेका छन्। शीतल निवासमा आयोजित समारोहबीच राष्ट्रपति भण्डारीले ओलीलाई पद तथा गोपनीयताको सपथ गराएकी छन्।

तेस्रो पटक प्रधानमन्त्री बनेका ओलीले नेपालको ४३ औं प्रधानमन्त्रीको रूपमा सपथ लिएका हुन्। राष्ट्रपति भण्डारीले संविधानको धारा ७६ (३) बमोजिम सबैभन्दा ठूलो दलको नेताको रूपमा ओलीलाई हिजो राति प्रधानमन्त्री नियुक्त गरेकी थिइन्।

संसदबाट गत सोमबार विश्वासको मत लिन नसकेपछि प्रधानमन्त्री ओली पदमुक्त भएका थिए। त्यसपछि राष्ट्रपति भण्डारीले बहुमतीय सरकार गठनका लागि दिएको समयमा कसैकाे दाबी नपरेपछि ठूलाे दलकाे संसदीय दलकाे नेताका हैसियतमा प्रधानमन्त्री बनेका हुन्।

मन्त्रिपरिषद्को नामावली

१. केपी शर्मा ओली : प्रधानमन्त्री तथा रक्षा मन्त्रालय

२. इश्वर पोखरेल : उपप्रधानमन्त्री (प्रधानमन्त्री तथा मन्त्रिपरिषद कार्यालय)

३. राम बहादुर थापा : गृह मन्त्रालय

४. टोप बहादुर रायमाझी : उर्जा, जलस्रोत तथा सिँचाई मन्त्रालय

५. विष्णु पौडेल : अर्थ मन्त्रालय

६. प्रदीप ज्ञवाली : परराष्ट्र मन्त्रालय

७. हृदयश त्रिपाठी : स्वास्थ्य तथा जनसंख्या मन्त्रालय

८. लेखराज भट्ट : उद्योग, वाणिज्य तथा आपुर्ति मन्त्रालय

९. कृष्णगोपाल श्रेष्ठ : शिक्षा, विज्ञान तथा प्रविधि मन्त्रालय

१०. प्रभु साह : शहरी विकास मन्त्रालय

११. भानुभक्त ढकाल : संस्कृति, पर्यटन तथा नागरिक उड्डयन मन्त्रालय