बैशाख २१, २०७८
चाैतारा : सरकारले बाढी पहिराे पीडितलाई घर बनाउनका लागि ५ लाख उपलब्ध गराउने भएकाे छ। विपदमा परेर घरबार गुमाएकाहरुको निजी आवास निर्माण गर्न लागि ५ लाखका दरले उपलब्ध गराउने भएकाे हाे।
सिन्धुपाल्चोकसहित बाढी पहिरोबाट घरबार गुमाएका २२ जिल्लाका पीडितको नीजि आवास निर्माण गर्नको लागि रकम दिन लागेको हो ।
घर पूर्ण रुपमा क्षति भएकाले हिमाली जिल्लामा ५ लाख, पहाडमा ४ लाख र तराईमा ३ लाख पाउने भएका छन् । सिन्धुपाल्चोक पहाडी जिल्ला भएकाले पीडितले चार लाख पाउने छन् ।
यो तीन किस्तामा सम्बन्धित पीडितले पाउने छन् । सिन्धुपाल्चोकको हकमा पीडितले पहिलो किस्ता ५० हजार, दोस्रो २ लाख ५० हजार र तेस्रो २ लाख पाउनेछन् । यो आवास निर्माणको कार्यप्रगति हेरेर प्रदान गरिनेछ ।
घर पूर्ण क्षति भएकाले अस्थायी रुपमा बस्नका लागि बास बनाउन अस्थायी आवास अनुदान ५० हजार पाउने छन् । पहिलो किस्तामा २५ हजार र दोस्रो किस्तामा २५ हजार पाउने कार्यविधिमा उल्लेख छ ।
आंशिक क्षति भएकालाई घर प्रबलीकरण तथा मर्मत गर्न ५० हजार दिइनेछ । त्यस्तै घडेरीसमेत नभएकालाई घडेरी किन्नका लागि ३ लाख अनुदान दिने भएको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस