बैशाख १८, २०७८
चौतारा : सिन्धुपाल्चोक जिल्लामा कोरोना संक्रमितको संख्या ८३ पुगेको छ। शनिबार सिन्धुपाल्चोकमा प्रहरी प्रमुख एसपी राजन अधिकारीसहित थप २६ मा संक्रमण देखिएपछि संक्रमितको संख्या ८३ पुगेको हो।
६० जनाको पीसीआर परीक्षणका लागि पठाइएकोमा २६ जनाको संक्रमण पुष्टि भएको हो। सबै चौतारा नगरपालिकाका रहेको छन्।
यसअघि जिल्लाका सिडियो अरुण पोखरेललाई पनि कोराना संक्रमण भएको थियो।
आजैमात्र सिन्धुपाल्चोकको कुबिण्डेका एक पुरुषको आज धुलिखेल अस्पतालमा मृत्यु भएको छ। सैँतीस वर्षीय पुरुषको आज बिहान धुलिखेल अस्पतालमा उपचारका क्रममा मृत्यु भएको थियो।
सिन्धुपाल्चोकमा कोरोना संक्रमितको संख्या बढेसँगै बजार क्षेत्रको व्यापार व्यवसाय बिहान १० बजेपछि बन्द गर्ने निर्णय गरिसकेको छ। सरकारले पहाडि जिल्लामा २ सयभन्दा धेरै संक्रमित भए लकडाउन गर्न प्रमुख जिल्ला अधिकारीलाई अधिकार दिइसकेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस