फागुन २८, २०७७
चौतारा : सिन्धुपाल्चोकको हेलम्बु गाउँपालिकामा फोरजी सेवा सुचारु भएको छ । गाउँपालिकाको पहलमा मंगलबारबाट फोरजी सञ्चालनमा आएको हो ।
अहिले गाउँपालिका ४ मरम्चीको नेपाल टेलिकमको टावरबाट फोरजी सञ्चालनमा आएको गाउँपालिकाका अध्यक्ष निमा ग्याल्जेन शेर्पाले बताए।
‘हेलम्बु गाउँपालिका पहिले एउटा मात्र टावर थियो। अहिले मेलम्ची घ्याङ मा निमार्ण सम्पन्न भइ फोरजी सेवा सञ्चालनमा आइसकेको छ’ उनले भने, ‘कुटुङसाङमा धमाधम टावर निमार्ण कार्य भइरहेको छ।’
गाउँपालिकाका कुन कुन वडामा र कुन कुन ठाउँमा फोरजी चल्छ भनेर हेरीरहेको उनले बताए। कुनै ठाउँमा नचल्ने भेटिएमा तुरुन्त वैकल्पिक व्यवस्था गर्ने उनको भनाई छ।
गाउँपालिकाको हरेक बस्ती फाइबर पुर्याउने उद्धेश्य अनुरुप काम अगाडि बढाइएको बताए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस