फागुन २७, २०७७
चाैतारा : बाह्रबिसे नगरपालिकामा नेत्र सहायकका रुपमा कार्यरत हराइरहेका पुजन राईको मोटरसाइकल र जुत्ता फेला परेको छ।
उनको मोटरसाइकल बुधबार भोटेकोसीमा फेला परेको जिल्ला प्रहरी कार्यालयका डिएसपी प्रकाश सापकोटालेजानकारी दिए। उनी कातिक अन्तिमदेखि हराइरहेका थिए।
उनका अनुसार को २१ प५७९९ नम्बरको बुलेट मोटरसाइकल बुधबार बिहान बाह्रबिसे नगरपालिका-६ स्थित भोटेकोसी नदीमा भेटिएको हो। खोलामा माछा मार्न गएका मानिसले देखेर प्रहरीलाई खबर गरेका थिए।
‘राईको खोजी भइरहेको छ,’ उनले भने,’ केन्द्रबाट पनि प्रहरी अधिकारीहरु आउनुभएको छ। अनुसन्धानले अर्कै मोड लिएमा शंका रहेको सबैलाई अनुसन्धानको दायरामा ल्याइ छानबिन गरिन्छ।’
राईको मोटरसाइकल रहेको आशंकामा प्रहरीले परिवारलाई बोलाएर बाइक निकालेको थियो। उनको मोटरसाइकल अरनिको राजमार्गबाट तल भेटिएको हो। पुजन त्यहाँ काम गर्न थालेको ९ महिना पुगेको थियो। उनी अस्थायी दरबन्दीमा काम गरिरहेका थिए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस