फागुन १८, २०७७
एजेन्सी : म्यानमारमा सैन्य ‘कू’ को विरोधमा भएको प्रदर्शनमा प्रहरीले चलाएको गोली लागेर १८ जनाको मृत्यु भएको छ।
संयुक्त राष्ट्र संघको मानवाधिकार कार्यालयले यसलाई सैन्य शासनको विरोधमा भइरहेको प्रदर्शनका दिनमध्ये सबैभन्दा घातक दिन भएको बताएको छ। हिजो म्यानमारका यंगुन, दवेई र मन्डाले शहरमा प्रदर्शन चर्किएको थियो। ती शहरमा धेरै प्रदर्शनकारीको ज्यान गएको बिबिसीले जनाएको छ। सुरक्षाकर्मीहरू प्रदर्शनविरुद्ध शनिवारदेखि कडा रूपमा प्रस्तुत हुन थालेका थिए।
फेब्रुअरी १ मा सेनाले सत्ता हातमा लिएयता म्यानमारमा व्यापक रूपमा शान्तिपूर्ण प्रदर्शन भइरहेका छन्। आङ सान सूकी लगायत तत्कालीन सरकारका नेताहरूलाई अपदस्थ गरिनुका साथै उनीहरूलाई बन्दी बनाइएको छ।
सामाजिक सञ्जालहरूमा आएका भिडिओ फुटेजहरूमा प्रहरीले कारबाही गर्दा प्रदर्शनकारीहरू भागिरहेको देखिन्छ। त्यहाँको सरकारले प्रदर्शन रोक्न आग्रह गरे पनि त्यसको कुनै संकेत नदेखिएपछि प्रहरी कारबाही अघि बढाएको हो।
संयुक्त राष्ट्रसंघको मानवअधिकार कार्यालयले प्रदर्शनकारीविरुद्ध भएको हिंसाको निन्दा गरेको छ। उसले आइतबारको घटनामा कम्तीमा १८ जना मारिएको र ३० जना घाइते भएको जनाइएको छ। प्रदर्शन सुरु भएयता कैयौँ मानिस पक्राउ परेका छन्।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस