फागुन ६, २०७७
एजेन्सी : पञ्जाबमा भएको नगर निगम, नगर परिषद् र नगर पञ्चायत चुनावमा सत्तारुढ भारतीय जनता पार्टी (भाजपा) नराम्ररी बढारिएको छ। विपक्षी कांग्रेसले एकतर्फी जीत हात पारेको हो।
किसान आन्दोलनमा अलोकप्रियता कमाएको भाजपासँग क्षेत्रीय अकाली दलसमेत यो चुनावमा अलग भएको छ।
८ मध्ये ७ नगर निगमका सबै सीट कांग्रेसले जितेको छ। १९० नगर परिषदमध्ये १०४ वटाको नतिजा आएको छ, जहाँ कांग्रेस एक्लैले ९८ सिट जितिसकेको छ। अन्य विपक्षी दलहरुले जम्मा ६ सिट हात पारेका छन्।
यसअघि भाजपासँग गठबन्धन गरेर चुनाव लड्ने गरेको अकाली दलले पनि प्रतिकूल नतिजा भोग्नुपरेको छ।
पञ्जाब भारतमा जारी किसान आन्दोलनको केन्द्र हो। सरकारले कृषिमा मुनाफाखोर निजी क्षेत्रलाई हर्ताकर्ता बनाउनेगरी ल्याएको तीनवटा कृषि कानुनविरुद्ध पञ्जाब लगायत भारतभरका किसान यतिखेर आन्दोलित छन्।
भारतका प्रधानमन्त्री नरेन्द्र मोदी नेतृत्वको सरकारले किसान आन्दोलन तुहाउन अनेक हत्कण्डा अपनाइरहेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस