मंसिर २६, २०७७
एजेन्सी । रुसी अधिकारीहरुले कोरोना भाइरसको भ्याक्सिन लगाउनुपूर्व र लगाइसकेपछि केही समय रक्सी नखान चेतावनी दिएका छन् । अल्कोहलले शरीरको प्रतिरोधी क्षमता कम गर्ने भन्दै उपभोक्ता स्वास्थ पर्यवेक्षण समूहकी प्रमुख अन्ना पोपोभाले रक्सी सेवन नगर्न चेतावनी दिएकी हुन् ।
‘यसले शरीर खराब गर्छ । यदि हामी स्वस्थ रहन चाहन्छौं र आफ्नो प्रतिरोधी क्षमता बलियो बनाउन चाहन्छौं भन्ने रक्सी सेवन नगरौं,’ उनले भनेकी थिइन् । उनका अनुसार भ्याक्सिनका दुई डोजमध्ये पहिलो डोज लगाउनभन्दा कम्तिमा दुई साताअघि रक्सी त्याग्नुपर्छ र भ्याक्सिन लगाइसकेपछि थप ४२ दिनसम्म यसको सेवन गर्नुहुन्न् ।
रुसी भ्याक्सिन स्पुुतनिक पाँचौले गत अगस्टमै स्वीकृति पाएको थियो । २१ दिनको अन्तरमा यो भ्याक्सिनका दुई डोज लगाइन्छ । रुस सरकारले यसै साताबाट जनस्तरमा भ्याक्सिन लगाउने काम सुरु गर्दैछ । त्यसका लागि डाक्टर, शिक्षक, सेना र सामाजिक कार्यकर्तालाई पहिलो प्राथमिकतामा राखिएको छ ।
यता, भ्याक्सिन निर्माता अलेस्यान्द्रर गिन्टस्वर्गले अधिकारीहरुको निर्देशन विपरितको अभिव्यक्ति दिएका छन् । ‘एक ग्लास स्याम्पियनले कसैलाई हानी गर्दैन, तपाईको प्रतिरोधी प्रणालीलाई पनि,’ उनले भनेका छन् । शरीरले प्रतिरोधी क्षमता विकास गरिरहेका बेला सावधानीपूर्वक अल्कोहलको मात्रा घटाउन उनले सुुझाव दिएका छन् । ‘पूर्ण रुपमै छाड्नुपर्छ भन्ने पनि होइन,’ उनले थपे ।
रुसी भ्याक्सिन लगाउने विश्वका सबै देशका मानिसले यो सुझाव पालना गर्नुपर्ने उनले बताएका छन् । पाभेल गोरियाक्चिनले फेसबुकका लेखेका छन्, ‘हाम्रो देशका अधिकांश जनताका लागि यो पूर्णत असम्भव छ ।’
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस