कात्तिक १७, २०७७
चौतारा : सिन्धुपाल्चोक जिल्लाको चौतारामा हालसम्मकै सबैभन्दा ठुलो पुरस्कार राशीको व्याडमिन्टन प्रतियोगिता हुने भएको छ। राष्ट्रिय मेयर कप तोप २१ को आयोजनामा मंसिर २१ गतेबाट व्याडमिन्टन प्रतियोगिता हुन लागेको हो।
राष्ट्रिय स्तरीय मेन्स सिंगल विजेतालाई एक लाख एघार हजार एक सय ११ रुपैयाँ पुरस्कार राशी रहेको उक्त प्रतियोगितामा उपविजेताले ५५ हजार पाँच सय ५५ रुपैयाँ प्राप्त गर्नेछन् ।
यस्तै, जिल्ला स्तरीय मेन्स डबल विजेतालाई ४० हजार रुपैयाँ नगद र उपविजेतालाई ३० हजार नगद प्रदान गरिने र जिल्ला स्तरीय मेन्स सिंगलको विजेतालाई ३० हजार र उपविजेतालाई २० हजार रुपैयाँले पुरस्कार प्रदान गरिने जनाएको छ।
पहिलो चरणमा सिन्धुपाल्चोक जिल्ला स्तरीय मेन्स सिंगल र मेन्स डबल तथा दोस्रो चरणमा राष्ट्रिय मेन्स सिंगल खेल सञ्चालन हुनेछ। सो प्रतियोगिताको प्रबद्धक चौतारा साँगाचोकगढी नगरपालिका गर्नेछ।
प्रतियोगितामा सहभागिता जनाउन चाहानेले आयोजकसँग सिघ्र सम्पर्क राख्न समेत आग्रह गरेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस