आभा निरु
असोज २५, २०७७
म भित्र के देख्यौ तिमीले
कलिलो जोवन देख्यौ
वा फक्रदो यौवन
यो प्रकृतिले दिएको हो कि
तिम्रो चाहनाको उपज !
के सम्झेर लुट्यौ मेरो जीवन ?
के खास जिन्दगी यहि हो ?
अरुको प्यास मेटाउँदै
मेरो नै गला रेटिनु पर्ने,
अनि अङ्ग भङ्ग हुनुपर्ने,
ए आमा ! भनन के दोष मेरो ?
फरक रङ्ग फरक अङ्ग हुँदा
म लुटिनु पर्ने,
अकालमा मारिनु पर्ने,
कहिले सम्म आमा ?
देउताले किन देखेन मेरो चित्कार ?
अनि किन सुनेन मेरो हार गुहार ?
मन्दिर भित्रै अस्मिता लुटियो,
भगवानकै सामु जीवन मेटियो,
कोपिलामै समाप्त पारियो !
सहन बाध्य पारियो घातहरु,
सल्बलाई रहे निर्मम हातहरु ।
जसरी मेटियो मेरो अस्मिता
सँगसँगै जीवन लीला !
किन रेटिन्न आमा नरपशुका गलाहरु ?
किन अन्धा भए कानूनका ती धाराहरु ?
किन सधैं मौन छ मेरो सरकार ?
कहिले हुन्छ स्वतन्त्र जिउँने अधिकार ?
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस