असोज २३, २०७७
चौताराः कोरोना पोजिटिभ आएको व्यक्ति आइसोलेसनमा नबसे सरकारले ६ महिना जेलमा हाल्ने भएको छ । पोजिटिभ आएका संक्रमित बाहिर हिडेको सूचना आएको भन्दै स्वास्थ्य तथा जनसंख्या मन्त्रालयका प्रवक्ता जागेश्वर गौतमले ती संक्रमतिलाई कारबाही गरिने बताए ।
‘पोजिटिभ आएका व्यक्ति आइसोलेसनमा नबसेको पाइएको छ । यस्तो अवस्थामा घर परिवार वा समुदायले अनुगमन गरेर खबर गर्नुहोला । आइसोलेसनमा नबस्नेलाई संक्रमाक रोग ऐन अनुसार ६ महिना जेल सजाय हुने छ । आइसोलेसनमा नबस्नेलाई पक्राउ गरेर सजाए दिन गृहमन्त्रालय र जिल्ला प्रशासनलाई भनेका छौं,’ उनले भने ।
अनलाइन र फोनबाट आशिर्वाद लिनू
सरकारले दसैँको आशिर्वाद अनलाइन र फोनबाट लिन आग्रह गरेको छ । टीका थाप्नको लागि जाँदा कोरोना संक्रमण फैलने भन्दै सरकारले अनलाइन र फोनबाट आशिर्वाद थाप्न आग्रह गरेको हो ।
‘कोरोनाका कारण मान्यजनबाट आशिर्वाद अनलाइन र फोनबाट लिऔँ,’ प्रवक्ता जागेश्वर गौतमले भने, संयमित भएर चाडपर्व मनाऔँ । भीडमाड नगरौँ । पुरानै सामनको प्रयोग गरौँ । कपडा किनमेल नगरौँ । घरमै पकाएर परिवार बसेर मनाऔँ,’ उनले भने ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस