असोज १६, २०७७
चौताराः सिन्धुपाल्चोकमा थप १० जनामा कोरोना पुष्टि भएको हो। स्वास्थ्य तथा जनसंख्या मन्त्रालयले गरेको नियमित मिडिया ब्रिफिङमा पछिल्लो २४ घण्टामा सिन्धुपाल्चोकमा थप १० जनामा कोरोना पुष्टि भएको प्रवक्ता जागेश्वर गौतमले जानकारी दिए।
योसँगै जिल्लाभर कोरोना संक्रमितको संख्या जिल्लामा १ सय ८९ पुगेको छ। जिल्लामा कोरोना निको भएर १ सय २० जना घर फर्किएका छन् भने पाँच जनाको संक्रमणका कारण मृत्यु भएको छ।
यस्तै, पछिलो २४ घण्टामा सिन्धुपाल्चोकमा १० सहित देशभर २ हजार ७ सय २२ कोरोना संक्रमित थपिएका छन्। पछिल्लो एक दिनमा हालसम्मकै धेरै ३ हजार ३ सय ७ संक्रमित डिस्चार्ज पनि भएको छन्। आजको पिसिआर १४ हजार ७ सय ३९ रहेको प्रवक्ता प्राडा गौतमले बताए।
हाल देशभर २१ हजार २ सय ३४ सक्रिय संक्रमित रहेका छन्। त्यस्तै ७३ दशमलव ६ प्रतिशत संक्रमित हालसम्म डिस्चार्ज भएका छन्।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस