असोज १४, २०७७
चौताराः नेपालमा सिन्धुपाल्चोक जिल्लामा ६ सहित पछिल्लो २४ घण्टामा देशभर संक्रमित १ हजार ५ सय ५९ थपिएका छन्। सिन्धुपाल्चोकका ३ महिला र ३ पुरुष गरी ६ जना सहित देशभर १ हजार ५ सय ५९ कोरोना संक्रमित थपिएको स्वास्थ्य मन्त्रालयले जनाएको छ।
स्वास्थ्य तथा जनसंख्या मन्त्रालयको नियमित मिडिया ब्रिफिङमा बुधबार प्रवक्ता डा जागेश्वर गौतमले बताएअनुसार देशभरबाट १ हजार ५७ जना कोरोना संक्रमित डिस्चार्ज भएका छन्।
आजको पिसिआर १२ हजार २ सय ५ रहेको र हाल संस्थागत आइसोलेसनमा १० हजार ८७ रहेका छन्। त्यस्तै क्वारेन्टाइनमा रहनेको संख्या ५ हजार ४ सय २८ छ।देशभरबाट हालसम्म कोरोना ७२ दशमलव ५ प्रतिशत संक्रमित कोरोनामुक्त भइसकेका गौतमले बताए।
आज काठमाडौं उपत्यकामै ९ सय २ संक्रमित थपिएका छन्। जसअनुसार काठमाडौंमा मात्र ९ सय ९७ जना संक्रमित थपिएका गौतमले बताए। त्यस्तै भक्तपुरमा ९३ जना र ललितपुरमा १ सय १२ जनामा संक्रमण पुष्टि भएको हो।
कोरोना भाइरस संक्रमणको कारण देशभर थप ७ जनाको मृत्यू भएको छ। हालसम्म कोरोना संक्रमणबाट मृत्यु हुनेको संख्या ४९८ पुगेको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस