१ हजार २०४ जनामा कोरोना पुष्टि, ४०१ को मृत्यु

२०७७ आश्विन ३, शनिबार मा प्रकाशित ४ साल अघि

असोज ३, २०७७
चौताराः नेपालमा बितेको २४ घण्टामा १ हजार २०४ जना कोरोना संक्रमित थपिएका छन् । यससँगै कोरोना संक्रमितको कुल संख्या ६२ हजार ७९७ पुगेको स्वास्थ्य मन्त्रालयको प्रवक्ता जागेश्वर गौतमले बताए ।

यस्तै आज देशभर सक्रिय संक्रमितको संख्या १७ हजार १२९ रहेको छ । जसमा संस्थागत आइसोलेशनमा ९ हजार १५३ जना र होम आइसोलेशनमा ९ हजार ९७६ जना रहेका छन् ।

यस्तै पछिल्लो २४ घण्टामा १ हजार ४४७ जना निको भएका छन् भने हालसम्म निको हुनेको कुल संख्या ४५ हजार २६७ पुगेको गौतमले बताए । यसैबीच कोरोनाबाट थप ११ जनाको मृत्यु भएको छ । यससँगै कोरोनाबाट नेपालमा मृत्यु हुनेको संख्या ४०१ पुगेको छ।

विवरण :