असोज ३, २०७७
चौताराः नेपालमा कोरोना भाइरसको संक्रमणबाट मृत्यु हुनेको संख्या ३ सय ९० पुगेको छ । जसमध्ये सिन्धुपाल्चोक जिल्लाका पनि ५ जनाले कोरोनाबाट ज्यान गुमाइसकेका छन्।
हालसम्म सिन्धुुपाल्चोक जिल्लामा ९७ जनाले कोरोना भाइरस जितेर डिस्चार्ज भएका छन्। १ सय ३४ जनामध्ये ९७ जनाले कोरोना जितेको हुन्। संक्रमितमध्ये ३२ जनाको उपचार जारी रहेको उनले बताइन्। जसमध्ये २८ जना काठमाडौँमा छन्।
सिन्धुपाल्चोकको आइसोलेसनमा हाल ४ जना मात्रै रहेका छन्। यस्तै क्वारेन्टाइनमा ११ महिला र ३० पुरुष गरी ४१ जना रहेका छन्। हालसम्म सिन्धुपाल्चोकमा ३ हजार ५ सय ५९ जनाको स्वाव परिक्षण गरिएको छ।
जिल्लामा ५६ आइसोलेसन बेड र ७ सय ८९ क्वारेन्टाइन बेड रहेको जिल्ला स्वास्थ्य कार्यालयका प्रमुख दुर्गादत्त चापागाईले बताए। कोरोनाबाट नेपालमा पहिरो मृत्यु सिन्धुपाल्चोक जिल्लामै भएको थियो।
यी हुन् कोरोनाबाट मृत्यु हुने ५ जना
१. सिन्धुपाल्चोक बाह्रविसे नगरपालिका राम्चेकी २९ वर्षीया सुत्केरी महिला । २ जेठमा निधन भई ३ जेठमा कोरोना पुष्टि ।
२. सिन्धुपाल्चोक पाँचपोखरी ६ का ४५ वर्षीय पुरुष १८ असारमा क्षयरोगको उपचरका लागि पाटन अस्पताल भर्ना भएका । उपचारका क्रममा २२ असारमा कोरोना पुष्टि भएको । २५ असारमा निधन ।
३. सिन्धुपाल्चोक जिल्ला बाह्रबिसे नगरपालिका ४ का ८४ वर्षीय पुरुषको २२ साउनमा मृत्यु । त्रिवि शिक्षण अस्पताल परिसरमा रहेको मनमोहन कार्थियोथेरासिक भास्कुलर तथा ट्रान्सप्लान्ट सेन्टरमा मृत्यु भएको । २७ साउनमा स्वास्थ्य मन्त्रालयबाट कोरोना संक्रमणबाट मृत्यु पुष्टि
४. सिन्धुपाल्चोककी ७७ वर्षीया महिला, १८ भाद्रमा मृत्यु पुष्टि
५. सिन्धुपाल्चोकका ५९ वर्षीय पुरुष, २८ भाद्रमा मृत्यु पुष्टि
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस