भदौ २९, २०७७
चौताराः सिन्धुपाल्चोकको बाह्रबिसेमा शनिबार राति गएको पहिरोमा बेपत्ता भएकाहरुमध्ये थप दुई जनाको शव भेटिएको छ। यो सँगै पहिरोमा पुरिएर मृत्यु हुनेको संख्या १३ पुगेको छ।
आज बिहानैदेखि नेपाल प्रहरी, सशस्त्र प्रहरी र नेपाली सेनासँगै स्थानीय बासिन्दा बेपत्ताको खोजीमा जुटेका छन् । आज बिहान २२ वर्षीय कुमार विक र २१ वर्षीया सोनिका विकको शव फेला परेको जिल्ला प्रहरी कार्यालय सिन्धुपाल्चोकले जनाएको छ। हिजो ११ जनाको शव भेटिएको थियो।
पहिरोमा पुरिएका १८ जना अझै भेटिएका छैनन् । उनीहरुको खोजी भइरहेको छ। पहिरोले बाह्रबिसे नगरपालिका ७ को भीरखर्कका १० र नागपूजे गाउँका सात घर बगाएको थियो।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस