यो कथा होइन

२०७७ भाद्र २७, शनिबार मा प्रकाशित ४ साल अघि

भदौ २७, २०७७

अमित घिमिरे

यी परिघटना कुनै जीवित वा मृत्त व्यक्तिको जीवनमा मेल नखाएमा केबल संयोग मानिने छ ।
…
कहिले काँही जीवनमा धेरै ठूलो परीक्षाको घडी आउँदो रहेछ । हिजो त्यस्तै भयो । नाताले मेरो आफन्त पर्ने एकजना भाइ जो वैदेशिक रोजगारका लागि विदेशमा थियो ऊ आएछ ।

यो मङ्सिरमा विवाह गर्नु पर्यो । मैले फेसबुकमा एउटी केटीसंग साथी बनाएर कुरो अघि बढाएको छु के होला दाइ? विहे जस्तो कुरो उसको बारेमा त्यति थाहा छैन के गरुँ? एकै सासमा आशालाग्दो मुहार बनाएर उसले सोध्यो ।

के जवाफ दिने? विवाह जस्तो कुरो र चरित्र जस्तो कुराका बारेमा कसोरी बोल्नु । निकै बेर नाजावाफ भएँ । र भने तिमी ऊसंग उसको फेसबुक आईडी र पार्सवर्ड कसैगरेर पत्ता लगाऊ, त्यहाँबाट च्याट डिलिट गरिएको छ छैन हेर । डिलिट गरिएको हुन सक्छ ।

तर, उसले थाहापाई भने च्याटमा म्यासेज नगर है भनेर पहिल्यै भन्न सक्छे । धेरैको दुईवटा आइडी हुन्छ । यदि तिमीले उसको फेसबुक आईडी र पार्सवर्ड थाहा पायौं भने साँझ देखि मध्यरात सम्म उसकै फेसबुकमा बस, सब क्लियर हुन्छ ।

तिमीले केही गर्नै पर्दैन उतैबाट प्रश्न र उत्तर आउने छ । एउटाको हैन कम्तीमा ३ देखि ५ जनाको।

महाभारत युद्धमा पठाएको सिपाही झै गरी ऊ छुट्टियो । थाहा छैन ऊ वीरगतिमा प्राप्त हुन्छ वा विजयी बन्छ । मलाई पनि एउटा प्रतिक्षा छ ।

उसले विदेशबाट एउटा सेलफोन ल्याइदिएको रहेछ । उनीहरु पहिलो पटक आमुन्य सामुन्य भए । उसले सेलफोन दियो । २ वटा सिमकार्ड, मेमोरी पूरानोबाट झिकेर नयाँमा सब सेटिङ्ग गरिदियो । त्यसैबेला उसले उनको फेसबुक र अन्य सोसल साईडको पासवर्डको जानकारी लियो ।

र,
राति उसले जब उनको आइडीमा पुगेर हेर्यो । हैरान भयो, चकित भयो । म्यासेजहरु मात्र थिएनन् । त्यहाँ शरीरको गोप्य अङ्गहरु पठाइएको पनि थियो । एउटाको हैन ६ जनासँग । उस्तै पाराका कुरा । यौन लिप्सा र कुण्ठाग्रस्त संवादहरु ।
ओइ…
ओई…
…चुप्प
…लप यूू
…मिस युू
……
यि र यस्ता संवाद त सामान्य थिए ।
अनि उसले युद्ध जिल्यो । एउटा चरित्रहिनको पञ्जाबाट उन्मुक्त भयो ।

आज शनिवार म मर्निङवाकबाट फर्केको थिइँन्, विहानै ऊ आएर मेरो प्रतिक्षामा रहेछ । उसको चेहरामा ठूलो जीतको उत्साह थियो । चमक थियो ।

दाइ एउटा नर्कमा डुबेर मैले जीवन निर्घृण हुनबाट म बचेँ र उसले सबविस्तार बतायो