भदौ १४, २०७७
चौताराः सुनकोशीमा गाउँपलिका ६ थुम्पाखर धुसेनीमा भीषण पहिरो गएको छ। पहिराले तीन घर पुरेको छ।
पहिरोले नानीराम भण्डारी, सिताराम भण्डारी र ई बहादुर भण्डारीको घर पुरेको स्थानीय रेशम बोहोराले जानकारी दिए। तीन घरसहित प्रदेश सरकारको लगानीमा निर्माणधिन पाखर खोला सिँचाइ कुलो पहिरोले पुरेको उनले बताए।
जोखिम बढेपछि मान्छे अन्यन्त्रै बस्दै आएको कारणले मानविय क्षति नभएको बाग्मती प्रदेशका अर्थ तथा बिकास समितिका सभापति शरेस नेपालले बताए। घरमा रहेको अन्नपात र हजारौं रोपनी जमिन क्षति गराएको तर, मान्छे अन्यन्त्रै बस्ने भएकाले मानविय क्षति हुन पाएन उनले भने। पीडितहरुका लागी प्रदेश सरकारले आवश्यक सबै व्यवस्थापन मिलाउने उनले बताए।
घटना स्थलमा सुरक्षाकर्मीको टोलि उद्धारको लागि पुगिसकेको छ। माथिबाट पहिरो आउने क्रमै अझै रोकिएको छैन। घटनाको क्षति विवरण आउन बाँकि रहेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस