भदौ ९, २०७७
चौताराः देशभर ८ सय ५५ कोरोना संक्रमित थपिएका छन्।मंगलबार २७१ जना महिला र ५८४ जना पुरुष संक्रमित थपिएका हुन्।
काठमाडौं जिल्लामा मात्र १ सय ९९ भक्तपुरमा १४ र ललितपुरमा १९ गरी उपत्यकामा २ सय ३२ संक्रमित थपिएको स्वास्थ्य मन्त्रालय प्रवक्ता जागेश्वर गौतमले जानकारी दिए।
उनका अनुसार यो सँगै नेपालमा संक्रमितको कुल संख्या ३३ हजार ५ सय ३३ पुगेको छ। त्यस्तै मंगलबारसम्म १४ हजार २ सय ५० जना आइसोलेसनमा छन् आज देशभरबाट ३ सय १३ डिस्चार्ज भएका छन्। त्यस्तै ११ हजार ३ सय २७ जनाको मंगलबार पिसिआर गरिएको छ। हाल देशभर १० हजार ४ सय ५३ क्वारेन्टाइनमा रहेका छन्।
थप सातको मृत्यु
नेपालमा थप ७ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ। मृत्यु हुनेमा काठमाडौंकी ७१ वर्षीया एक महिला, ६६ र ७४ वर्षका दुई पुरुष, सिराहाका २२ वर्षीय पुरुष, पर्साका ६८ वर्षीय पुरुष, धनुषाका ७६ वर्षीय पुरुष, र रुपन्देहीका ५३ वर्षीय पुरुष रहेका छन्।
यससँगै नेपालमा कोरोना संक्रमणबाट मृत्यु हुनेहरुको संख्या १ सय ६४ पुगेको प्रवक्ता गौतमले बताए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस