भदौ ४, २०७७
चौताराः जुगल गाउँपालिका–२ लिदीको पहिरोमा बेपत्ता भएकामध्ये थप एक जना पुरुषको शव भेटिएको छ । बिहीबार दिउँसो ४२ वर्षीय हिरा दोङको शव फेला परेको हो।
जिल्ला प्रहरी कार्यालय सिन्धुपाल्चोकका प्रहरी नायव उपरीक्षक माधव प्रसाद काफ्लेका अनुसार आज बिहान एक बालक र दुई महिलाको शव फेला परेको थियो । पाँच वर्षीय सानुकान्छा दोङ, ४२ वर्षीया बिबिरानी दोङ र १८ वर्षीया ललिता दोङको शव फेला परेको हो ।
यससँगै पहिरोमा ज्यान गुमाउनेको सङ्ख्या २९ पुगेको छ । १० जना अझै बेपत्ता छन् । हालसम्म शव फेला परेकामध्ये १६ पुरुष र १३ महिला छन् । तीमध्ये १४ बालबालिका मात्रै छन् ।बेपत्ताहरूको खोजीमा नेपाली सेना, नेपाल प्रहरी र स्थानीयवासी जुटेका छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस