साउन ३२, २०७७
चौताराः नेपालमा पछिल्लो २४ घण्टामा ६ सय ४१ जना संक्रमित थपिएका छन। १२ हजार २ सय ४७ पीसीआर परीक्षणमा २ सय १८ महिला र ४ सय २३ पुरुष गरी ६ सय ४१ जना संक्रमित थपिएको हो।
काठमाडौं उपत्यकामा मात्रै १ सय ७२ जना कोरोना संक्रमित भेटिएको स्वास्थ्य मन्त्रालयका प्रवक्ता जागेश्वर गौतमले बताए। काठमाडौं जिल्लामा १ सय २६, ललितपुरमा ३८ र भक्तपुरमा ८ जना संक्रमित भेटिएका हुन्। आइतबार १ सय ३४ जना डिस्चार्ज भएका छन्।
थप दुईको मृत्यु
यस्तै नेपालमा कोरोनाबाट थप २ जनाको मृत्यु भएको छ। पर्सामा एकजना पुरुष र मोरङमा १ जना महिलाको मृत्यु भएको हो। कोरोनाबाट प्रदेश नम्बर १ मा १०, प्रदेश नम्बर २ मा ४५ र बागमती प्रदेशमा १८ जनाको मृत्यु भएको छ।
यस्तै गण्डकी प्रदेशमा ६, प्रदेश नम्बर ५ मा १३, कर्णाली प्रदेशमा ४ र सुदूरपश्चिम प्रदेशमा ८ गरी १ सय ४ जनाको मृत्यु भएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस