साउन ३१, २०७७
चौताराः जुगल गाउँपालिका २ लिदीमा गएको पहिरोमा परेर बेपत्ता भएकामध्ये १६ जनाको शव भेटिएको छ। पहिरोमा बेपत्ता अझै २६ जनाको खोजीकार्य जारी छ।
पहिरोमा पुरिएकाहरुको उत्खननमा सुरक्षाकर्मी र स्थानीय यूवाहरु लागिरहेको जुगल गाउँपालिका अध्यक्ष होमनारायण श्रेष्ठले बताए। ‘हालसम्म १६ मृत शरीर निकालिएको छ। कोदालो साबेलबाट मात्र कठिन भएकोले उत्खननका लागि स्काभेटर व्यवस्थापन गर्दैछौं’ उनले भने, ‘इन्टेकमा रहेको स्काभेटरको केहि मर्मत पश्चात लिदि जानेछ।’
बीचको बाटोमा पनि अबरोध रहेकोले पन्छाउदै जादा अलिक समय लाग्नसक्ने उनको भनाई छ। भोलि बिहानैबाट स्काभेटर प्रयोग गरी उत्खनन तथा हुने उनले बताए। सो क्षेत्रमा ७२ घर छन् भने ३६ घरमा पूर्ण रुपमा क्षति भएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस