साउन ३१, २०७७
चौताराः जुगल गाउँपालिका २ लिदीमा गएको पहिरोमा बेपत्ता भएका ११ जनाको शव निकालिएको छ। पहिरोमा पुरिएर ३८ जनामध्ये ११ जनाको शव निकालिएको हो।
शुक्रबार बिहान लिदीमा झरेको पहिरोमा ३८ जना बेपत्ता भएका थिए। पहिरोले त्यहाँका ३७ घर ध्वस्त भएको गाउँपालिका अध्यक्ष होमनारायण श्रेष्ठले बताए।
घाइते भएका ९ जनालाई उपचारका लागि हेलिकोप्टरबाट सदरमुकाम चौतारा र काठमाडौँ लगिएको छ। पहिरोले बस्ती पुरेपछि सभामुख अग्निप्रसाद सापकोटा, गृहमन्त्री रामबहादुर थापा बादललगायतका घटनास्थल पुगेका थिए।
गृहमन्त्री थापाले तत्काललाई २ लाख रुपैयाँ नगद र आवश्यक जिन्सी तथा पालसहितका सामाग्री वितरण गरेको छ।
निरन्तरको बर्षापछि माथिबाट पहिरो खस्ने जोखिब बढेपछि उद्धार गर्न समस्या परेको पालिका उपाध्यक्ष सिर्जना तामाङले बताइन्। अहिले उद्धार कार्य जारी छ। तर, पहिरोको जोखिमको कारणले समस्या परिरहेको छ उनले भनिन्।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस