साउन २८, २०७७
काठमाडौँ : कान्तिपुरका पत्रकार बलराम बानियाँ मृत फेला परेका छन्। उनको शव मकवानपुरको बागमती गाउँपालिकास्थित बागमती नदीमा भेटिएको हो।
उनको शव भेटिएको पुष्टि जिल्ला प्रहरी कार्यालय मकवानपुरले गरेको छ। उनी यही साउन २६ गते काठमाडौं बल्खुदेखि बेपत्ता भएका थिए। उनको मोबाइलको अन्तिम लोकेशन बल्खु आसपास देखाएको प्रहरीले जनाएको छ।
प्रहरीका अनुसार बानियाँको शव भीमफेदी ८ माण्डुस्थित माण्डो हाइड्रो पावरको फिल्टरमा फेला परेको प्रहरीले जनाएको छ। प्रहरीका अनुसार उनले जुत्ता किनारमा छाडेर सोमबार काठमाडौंको बल्खु खोलामा हाम्फालेका थिए। दुई दशकभन्दा लामो समयदेखि कान्तिपुर दैनिकसँग सम्वद्ध पत्रकार बानियाँ राजनीति र सुशासनमा कलम चलाउँथे।
उनको जन्मथलो तनहुँ हो। महानगरीय अपराध महाशाखाका एसएसपी दीपक थापाका अनुसार बुधबार बिहान हेटौंडाको खोलामा उनको शव भेटेपछि अहिले पोष्टमार्टमका लागि जिल्ला अस्पताल हेटौंडामा पुर्याइएको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस