साउन १९, २०७७
मेलम्ची: मेलम्ची नगरपालिका ११ मा पहिरो खस्दा ८ जना बेपत्ता भएका छन् भने १ जनाको जिवितै उद्धार भएको छ । निरन्तरकाे बर्षापछि माथिबाट अाएकाे पहिराले थिचेर अाठ जना बेपत्ता भएका हुन्।
प्रदेश सरकारले निर्माण गर्न लागेको कभर्डहल निर्माण गर्दै गरेका कामदार बसेको घर पहिरोले पुरिएकाे इलाका प्रहरी कार्यालय मेलम्चीका प्रहरी निरिक्षक फल बहादुर तामाङले जानकारी दिए।
पुरीएका मध्ये एक जना भारतीय र अन्य विरगञ्जका रहेको उनलेे बताए। पहिराेबाट
जिवितै उद्दार गरिएको भारतिय नागरिक बारु शहको उद्धार गरि अहिले मेलम्ची प्राथमिक स्वास्थ्य केन्द्रमा उपचार भइरहेको जनाए ।
बेपत्ता हुनेहरुमा विरगञ्जका बर्ष ४२ का राजेन्द्र चौरासिया, ३५ बर्षिय प्रदिप र्चाैरासिया,२५ बर्षिय विक्रम थिंग,२३ बर्षिय मान बहादुर रुम्बा,२० बर्षिय सिमन घ्लान, २१ बर्षिय शिव बालक धामि, १७ बर्षिय सोनाम लामा र १ जना भारतिय नागरिक राजन्द्र चौधरी रहेको उनलेे बताए।
बेपत्ताको नेपाली सेना, नेपाल प्रहरी, सशस्त्र प्रहरी, स्थानीयबाट खाेजिकार्य भइरहेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस