साउन ५, २०७७
चौताराः मेलम्ची खानेपानी आयोजनामा गत असार ३० गते मेलम्ची खानेपानी आयोजनाको मुहानस्थल हेलम्बु गाउँपालिका १ अम्बाथानको सुरुङमा दुर्घटनापछि परिक्षणको काम रोकिएको छ। दुर्घटनामा परी दुई जनाको ज्यान गएका थियो भने, २ जना घाइते छन् ।
खानेपानी परीक्षणका लागि पठाइएको सुरुङभित्रको अवस्था हेर्न ४ जना सुरुङभित्र प्रवेश गरेका थिए । सुरुङभित्रको गेटको ढोका फुटेर उत्पन्न भएको बाढीले हाइलक्स गाडीलाई बगाएको थियो।
सो घटनामा २७ वर्षीय इञ्जिनियर सतिस गोइत र ५६ वर्षका चालक राधाकृष्ण थापाले ज्यान गुमाए । घाइते भएका इञ्जिनियर शेखर खनाल र प्राविधिक पेमादोर्जे तामाङको उपचार भइरहेको छ ।
त्यसको एकसाता अघि मन्त्रालयमा पत्रकार सम्मेलन गरेर खानेपानी मन्त्री बिना मगरले मेलम्चीको सुरुङमा पानी पठाउने कामको सफल परीक्षण भएको बताउदै काठमाडौँबासीले पानी पाउने दिन टाढा नभएको बताएकी थिइन् ।
सुरुङमा पानी परीक्षणका क्रममा १५ देखि २० दिनभित्र साढे २६ किलोमिटर सुरुङ भरिएर सुन्दरीजलमा पानी झर्ने मेलम्ची खानेपानी विकास समितिका कार्यकारी निर्देशक तिरेश खत्रीले बताएका थिए । अहिले खानेपानी मन्त्रालयले एउटा छानविन समिति बनाएर सो दुर्घटनाको अध्ययन गरिरहेको छ ।
कसरी के कारणले दुर्घटना भयो त्यसको अध्ययन भइरहेको छ उनले भने, अध्ययनपछि मात्रै आयोजनाका काम फेरि सुरु हुन्छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस