असार १२, २०७७
चौतारा: सिन्धुपाल्चोक जिल्लाका ४ जनाले काेराेना जितेर घर फर्किएका छन्। शुक्रबार दुई जना निको भएर घर फर्किएसँगै काेराेना जितेर घर फर्कनेकाे संख्या ४ पुगेकाे हाे।
शुक्रबार पाँचपोखरी थाङपाल गाउँपालिकाका दुई जना कोरोना जितेर घर गएकाेजिल्ला स्वास्थ्य कार्यालयका बरिष्ठ जनस्वास्थ्य अधिकृत दुर्गादत्त चापागाईंले जानकारी दिए।
काेराेना जित्नेमा पाँचपोखरी थाङपाल गाउँपालिका ६ का ३९ र ४० वर्षिय दुई जना रहेका छन्।
बुधबार पनि इन्द्रावती गाउँपालिकाका एक जना काेराेना जितेर घर गएका थिए। यसअघि पनि यसै गाउँपालिकाका एक जनाले काेराेना जितेका थिए।
सिन्धुपाल्चोकका २९ संक्रमितमध्ये ४ जना काेराेना जितेर घर गएसँगै २४ जना उपचारकाे क्रममा छन्। भने एकजनाकाे मृत्युु भइसकेकाे छ। नेपालमा काेराेनाबाट पहिलो मृत्यु सिन्धुपाल्चोक बाह्रविसे नगरपालिका राम्चेकाे महिलाकाे भएकाे थियो।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस