यदि तपाईंलाई कसैले तपाईंको शरीरको सबैभन्दा महत्वपूर्ण हिस्सा के हो भनेर सोधेको खण्डमा सम्भवतः तपाईंको जवाफ हुनेछ – मस्तिष्क । मस्तिष्कले हाम्रो शरीरलाई सञ्चालन गर्छ जसको इशारामा हाम्रो शरीरको हरेक अंगले काम गर्ने गर्छ । हाम्रो शरीरमा सबैभन्दा धेरै काम मस्तिष्कले गर्छ तसर्थ शरीरले जतिपन ऊर्जा उत्पादन गर्छ, त्यसको एउटा ठूलो हिस्सा मस्तिष्कले प्रयोग गर्छ । यसैगरी शरीरमा सबैभन्दा धेरै अक्सिजनको आवश्यकता हाम्रो मस्तिष्कलाई नै हुने गर्छ । तर मस्तिष्कमा पोलिस्याचुरेटेड फ्याटी एसिड र लिपिड्सको मात्रा अत्यधिक हुने भएकोले शरीरमा फ्रि रेडिकल निकाल्ने अक्सिडेशनको क्रियाले सबैभन्दा धेरै क्षती मस्तिष्कलाई नै पुर्याउने गर्छ । फ्रि रेडिकल्सले मस्तिष्कको कोसिकालाई नष्ट गर्छ जसका कारण अल्जाइमर, डिमेन्शियाजस्ता रोग लाग्ने गर्छन् ।
एन्टिअक्सिडेन्ट्सको भण्डार हो महः
महको महत्व आयुर्वेदमा पनि अत्यधिक छ र आजको विज्ञानले पनि महलाई शक्तिशाली औषधी मानेको छ । राम्रो गुणस्तरको महमा विभिन्न प्रकारका ओर्गानिक एसिड्स र फ्लेवोनोइड्सजस्ता फेनलिक कम्पाउन्ड्स पाइन्छ जुन रगतमा मिसिएर रोगसँग र फ्रि रेडिकल्ससँग लड्नमा शरीरलाई मद्दत गर्छ ।
शरीरको सबै अंगको रक्षा गर्छ महः
महमा एन्टी भाइरल, एन्टी ब्याक्टेरियल र एन्टी इन्फ्लेमेट्री गुण हुन्छ जसका कारण यसले तपाईंको प्रतिरोधी क्षमतालाई बलियो बनाएर तपाईंको कलेजो, मुटु, मृगौला र फोक्सो आदिको रक्षा गर्छ । तर मह सबैभन्दा बढी तपाईंको मस्तिष्कका लागि फाइदाजनक हुन्छ । महले मस्तिष्कको कोसिकालाई क्षती हुनबाट जोगाउँछ । यहाँसम्म कि यदि बुढ्यौली लागिसकेका व्यक्तिले पनि यदि दैनिक रुपमा एक चम्चा मह खान्छन् भने उनीहरुको स्मरणशक्ति, एकाग्रता र आँखाको ज्योति लामो समयसम्म कायम रहन्छ ।
दैनिक बिहान एक चम्चा महले तपाईंलाई राख्नेछ स्वस्थ र स्फूर्तः
दैनिक बिहान उठेपछि एक गिलास मनतातो पानीमा एक चम्चा अर्गानिक (राम्रो गुणस्तरको) मह मिसाएर पिउनुहोस् । त्यसपछि कम्तीमा ३० मिनेटसम्म केहि पनि नखानुहोस् । यसो गर्दा तपाईंको शरीरले ऊर्जा प्राप्त गर्छ, एन्टिअक्सिडेन्ट पनि पाउँछ र मस्तिष्कलाई लामो समयसम्म स्वस्थ राख्न मद्दत गर्छ । मात्र यति कुरा ध्यान राख्नुहोस् कि तपाईंलाई मधुमेह र पिसीओडीको समस्या छ भने आफ्नो डाक्टरलाई सोधेर मात्रै महको सेवन गर्नुहोस् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस