खबरज्योति २०७६ बैशाख ३०
सिन्धुपाल्चोक: सहिद स्मारक ‘ए’ डिभिजन लिग क्लब जावलाखेल युथ क्लबले चौथो संस्करणको सिन्धुकप फुटबल प्रतियोगिताको उपाधि जितेको छ ।
शनिबार भएको फाइनलमा गोर्खा ब्वाईज क्लब रुपन्देहीलाई २–० गोल अन्तरले पराजित गर्दै जावलाखेल च्याम्पियन बनेको हो ।
लामोसाघुको बसन्तपुर मैदान भएको खेलमा जावलाखेल युथ क्लबले उपाघि हात पार्यो । १० खेलाडीमा सिमित जाउलाखेललाई जितउन बोरिसले दुई गोल गरे । खेलको १८ औं मिनेटमा बोरिसले गोल गर्दै जावलाखेललाई सुरुवाती अग्रता दिलाएका थिए । त्यसपछि ६१ औं मिनेटमा बोरिसले व्यक्तिगत दोस्रो गोल गर्दै जावलाखेलको जित पक्का गरे ।
खेलको ३६ औं मिनेटमा डाम्बियाले रातो कार्ड पाउँदा जावलाखेल १० खेलाडीमा समेटिएको थियो । उपाधिसंगै जावलाखेलले ५ लाख नगद पुरस्कार प्राप्त गरेको छ । उपविजेता गोर्खाले २ लाख ५० हजारमा चित्त बुझाएको छ । युथ स्पोर्टस् क्लबका ेआयोजनामा भएको प्रतियोगितामा ८ टोलीको सहभागिता रहेको थियो ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस