खबरज्योति २२ चैत्र २०७५
काठमाडौंः सरकारले बारा पर्साका हुरी प्रभावितहरुका लागि घर बनाउँने जिम्मा नेपाली सेनालाई दिने भएको छ । वर्षा घर निर्माण गरिसक्नुपर्ने भएकाले सेनालाई जिम्मा दिएको हो ।
मन्त्रिपरिषद्को बिहीबार बसेको बैठकले प्रदेश सरकारसँग समन्वय गरेर घर बनाउने निर्णय गरेको हो । प्रदेश २ सरकारले हुरी प्रभावितहरुलाई वर्षा अगावै प्रिफ्याब घर बनाइदिने निर्णय गरेको थियो । अब केन्द्र सरकार र प्रदेश मिलेर घर बनाउने भएको छ ।
मुख्यमन्त्रीहरु र प्रधानमन्त्री केपी शर्मा ओलीबीच भएको छलफलमा सेनालाई घर बनाउँने जिम्मा दिने निर्णय भएको बताईएको छ । मन्त्रिपरिषदको बैठकले घर निर्माणका लागि प्रदेश २ का मुख्यसचिव दिपक सुवेदीको नेतृत्वमा पाँच सदस्यीय समिति पनि बनाएको छ ।
समितिमा सहरी विकास मन्त्रालयका प्रतिनिधि, नेपाली सेनाका प्रतिनिधि, बारा र पर्साका प्रमुख जिल्ला अधिकारी सदस्य रहनेछन् । घर जनता आवास मोडलको हुने सरकारका प्रवक्ता एवं सञ्चारमन्त्री गोकुल बास्कोटाले जनाए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस