तराईमा हावाहुरी : ३१ को मृत्यु, सयौँ घाईते र विस्थापित

२०७५ चैत्र १८, सोमबार मा प्रकाशित ५ साल अघि

खबरज्योति १८ चैत्र २०७५
काठमाडौं–आइतबार साँझ आएको भीषण हावाहुरी र असिना पानीबाट बारा र पर्सा जिल्लामा गरी ३१ जनाको मृत्यु भएका छ । भने सयौँको संख्यामा विस्थापित भएका छन् ।
घर तथा ईट्टा भट्टाको चिम्नि भत्कन गई बाराको विभिन्न स्थानमा २६ जनाको मृत्यु भएको छ । यस्तै कम्तीमा ४०० जना घाइतेको उद्दार गरिएको छ ।

घाइतेहरुमध्ये नारायण उपक्षेत्रीय अस्पताल वीरगन्जमा ११६ जना, नेशनल मेडिकल कलेज वीरगन्जमा १०० जना, वीरगन्ज हेल्थ केयरमा ३८ जना र गण्डक अस्पताल वीरगन्जमा २८ जना गरी २८२ जनाको उपचार भईरहेको छ ।
नेपाल प्रहरीका प्रवक्ता उत्तम सुवेदीका अनुसार मातहत काकार्यलयहरुबाट प्रहरी टोली, सशस्त्र प्रहरी र सेना परिचालन भई उद्धार कार्य भइरहेको छ । मृतक सबैको सनाखत भैसकेको छ । यसैगरी पर्साको वीरगन्ज उपमहानगरपालिका–१२ गण्डकस्थित त्रिशक्ति सिमेन्ट कारखाना अगाडि बिजुलीको पोल ढलेरना ६ ख ९३६० नम्बरको बसमा पर्न जाँदा बसमा सवार ६ जना घाइते भएका छन् ।

घाइते सबैको नारायणी उपचारका लागि क्षेत्रीय अस्पताल उपचारका लागि पठाइएकोमा उ १८ वर्षीय सरोज रामको मृत्यु भएको प्रवक्ता सुवेदीले जानकारी दिए । दुबै जिल्लाका घाइतेहरुको मध्ये ७ जनालाई थप उपचारको लागि त्रिवि शिक्षण अस्पताल महाराजगंज ल्याइएको छ ।
खोज तथा उद्दारका लागि बारा र पर्सा जिल्ला लगायत नेपाल प्रहरीको सशस्त्र प्रहरी गण नं २ रातमाटेबाट समेत थप सुरक्षाकर्मी परिचालित भएका छन् ।
अहिले घटनास्थलमा नेपाल प्रहरी अस्पतालबाट ४ जना चिकित्सक सहित ९ जनाको टोलीखटिनुका साथै थप ८ जनाको टोली स्टेण्ड बाई रहेको पनि प्रहरीले जनाएको छ ।