खबरज्योति,
२५ भदौ २०७५, सिन्धुपाल्चोक ।
बुबाको मुख हेर्ने दिनको अवसर पारेर काठमाडौं–चौतारा साँगाचोकगढी नगरपालिका सम्पर्क समितिले वृद्धवृद्धालाई मिठाई तथा फलफुल वितरण गरेको छ ।
चौतारा साँगाचोकगढी नगरपालिका– १० हर्रेका वृद्धवृद्धालाई आईतबार समितिले मिठाई तथा फलफुल खुवाएको हो । वृद्धवृद्धालाई सम्पर्क समितिका उपेन्द्र उप्रेती, कमल सापकोटा, ऋषि भण्डारी र सुमन पान्डेले फलफुल तथा मिठाई उपलब्ध गराएका थिए ।
सो स्थानमा पुगेर सम्पर्क समितिका कुमार श्रेष्ठ, पूर्ण तामाङ, सिपि नेपाल, गोविन्द पाठक र ज्ञानु माझीकले मिठाइ तथा फलफुल खुवाएका थिए । ‘हामीले बुबाको मुख हेर्ने दिनमा वृद्धवृद्धालाई सम्मान गर्नुपर्छ भन्ने भावनाले मिठाई तथा फलफुल वितरण गरेका हौं’, सम्पर्क समितिका गोविन्द पाठकले भने– ‘जसको छोराछोरी छैनन्, जो असक्त, वृद्ध छन् उनीहरुको सेवा गर्नु हाम्रो कर्तव्य हो ।’
मिठाई तथा फलफुल पाएपछि वृद्धवृद्धाहरु खुसी भएका छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस