खबरज्योती,
२० वैसाख २०७५, सिन्धुपाल्चोक ।
सिन्धुपाल्चोकको इन्द्रवती गाँउपालिकामा मिनीट्रक दुर्घटना हुँदा चालकको मृत्यु भएको छ ।
मंगलवार राती साढे ९ बजे बा४ख ६२३५ नम्बरको मिनीट्रक इन्द्रवती गाउँपालिकाको वडा नम्बर १० सिस्ने खोलामा दुर्घटना भएको हो । दुर्घटनामा चालक सिन्धुपाल्चोक बाह्रबिसेका २५ वर्षीय विकाश तामाङको मृत्यु भएको छ भने अन्य तीन जना गम्भीर घाइते भएका छन् ।
मिनीट्रकमा सवार सिन्धुपाल्चोक ईन्द्रवती गाउँपालिका–१० का २५ वर्षीय सुमन तमाङ, २८ वर्षीया प्रमिला तामाङ र २० वर्षीया मनिता तामाङ घाइते भएका छन् । घाइतेहरुको धुलिखेल अस्पतालमा उपचार भइरहेको प्रहरीले जनाएको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस