हेलम्बुमा संस्कृत र सम्भुटा भाषा पढाईने

२०७४ चैत्र १७, शनिबार मा प्रकाशित ६ साल अघि

खबरज्योती
१७ चैत्र २०७४, सिन्धुपाल्चोक ।

हेलम्बु गाउँपालिकाका सबै विद्यालयमा संस्कृत र सम्भुटा ९लामा० भाषाको अध्यापन हुने भएको छ ।

हेलम्बु गाउँपालिकाको शिक्षा समितिको बसेको बैठकले पालिकाका प्रत्येक विद्यालयमा ऐच्छिक विषयको रुपमा संस्कृत र सम्भुटा भाषाको अध्यापन गराईने निर्णय गरेको हो । ‘पाठ्यक्रमनै बनाएर अध्यापन सुरु गर्ने योजना बनाएका छौं’, पालिका अध्यक्ष निमाग्याल्जेन शेर्पाले भने– ‘सबै भाषा र संस्कृतिको जगेर्ना गर्ने योजना अनुरुप विद्यालयहरुमा दुबै भाषालाई ऐच्छिक बनाई अध्यापन गर्ने योजनामा छौं ।’

गाउँपालिकाको निर्णयलाई स्थानीयले स्वागत गरेका छन् । ‘पालिकाको निर्णय स्वागत योग्य छ’, स्थानीय पेमा लामा ह्योल्मो भन्छिन्– ‘यस्ता कार्यलाई निरन्तरता दिन जरुरी छ ।’ हेलम्बु गाउँपालिकाले सधैं स्वागत योग्य काम गर्ने गरेको भन्दै कृष्ण गुरुङ भन्छन्– ‘राम्रो निर्ण गर्नु भएको छ, योसँगै हेलम्बु स्याउको लागि प्रख्यात ठाउँ हो । पालिकाले आधुनिक कृषि प्रविधिबाट फेरि स्याउ खेति सुरु गर्ने योजना बनाए अझैं उपयुक्त हुने    थियो ।’