निर्वाचन तयारी अन्तिम चरणमा, मतदान केन्द्रमा कर्मचारी खटाईयो (सिन्धुमा को कहाँ ? सूचीसहित)

२०७४ मंसिर ३, आईतबार मा प्रकाशित ७ साल अघि

खबरज्योति
३ मंसिर २०७४, सिन्धुपाल्चोक ।

पहिलो चरणमा हुन लागेको प्रतिनिधिसभा र प्रदेशसभा निर्वाचनको तयारी सिन्धुपाल्चोकमा अन्तिम चरणमा पुगेको    छ ।

२ प्रतिनिधिसभा क्षेत्र र ४ प्रदेशसभा रहेको सिन्धुपाल्चोकको हरेक मतदान केन्द्रका लागि मतदान अधिकृत, सहायक मतदान अधिकृत लगायत अन्य कर्मचारी तोक्ने कार्य सम्पन्न गरी मतदान स्थलमा खटाईएको जिल्ला निर्वाचन अधिकारी विजयकुमार कार्कीले जानकारी दिए ।

२ सय ८५ वटा मतदान केन्द्र तोकिएको जिल्लामा मतदान स्थलहरुमा कर्मचारी खटाईएको हो । प्रतिनिधिसभा १ मा ८१ मतदान स्थलमा १ सय ५० केन्द्र निर्धारण भएको छ । जसमा प्रदेशसभा १ मा ४१ स्थल, ७८ केन्द्र र प्रदेश सभा २ मा ४० स्थलमा ७२ केन्द्र तोकिएको छ । त्यस्तै प्रतिनिधिसभा २ मा ६३ स्थलमा १ सय ३५ मतदान केन्द्र रहेको   छ । प्रदेशसभा १ मा २८ स्थलमा ६५ केन्द्र र प्रदेशसभा २ मा ३५ स्थलमा ७० केन्द्र तोकिएको छ ।

मतदान केन्द्रका लागि यसअघि नै हतियारसहितको सुरक्षाकर्मी खटाई सकिएको जिल्लाका हरेक पालिकामा आवश्यक निर्वाचन सामाग्रीसहित प्रहरीको नेतृत्वमा कर्मचारी टोली खटाउने ब्यवस्था गरिएको निर्वाचन कार्यालयले जनाएको छ । पालिकाका केन्द्रबाट मतदान केन्द्रसम्म पुर्याउन पहिले खटिएका सुरक्षाकर्मी जुटाउने तयारी गरिएको छ ।

को कहाँ ? हेर्नुहोस् सूची :

प्रतिनिधि सभा निर्वाचन क्षेत्र नं.१  /प्रदेश सभा निर्वाचन क्षेत्र नं.१

प्रतिनिधि सभा निर्वाचन क्षेत्र नं.१ /प्रदेश सभा निर्वाचन क्षेत्र नं.२

प्रतिनिधि सभा निर्वाचन क्षेत्र नं.२ /प्रदेश सभा निर्वाचन क्षेत्र नं.१

प्रतिनिधि सभा निर्वाचन क्षेत्र नं.२ /प्रदेश सभा निर्वाचन क्षेत्र नं. २