खबरज्योति
३० कार्तिक २०७४, सिन्धुपाल्चोक ।
कार्तिक २४ गते देखि रिलिज भएको चलचित्र मेलाले नायिका श्वेता खड्काको अगुवाईमा बनिरहेको एकिकृत माझी बस्तीलाई ५१ हजार रुपैंया आर्थिक सहयोग गरेको छ ।
चलचित्र ‘मेला’ का निर्माता, लेखक तथा सह निर्देशक हरी पन्त नायिका खड्काको कमलादी स्थित राईजिङ्ग मलमा रहेको हिमालयन जाभामा पुगी सो रकम बराबरको चेक हस्तान्तरण गरेका हुन् । सहयोग रकमको चेक नायिका तथा फाउण्डेशनकी अध्यक्ष श्वेता खड्कालाई हस्तान्तरण गर्दै निर्माता पन्तले आफ्नो चलचित्रबाट उठेको रकम असहाय माझीहरुको बस्ती निर्माणमा सहयोग गर्न पाउनु गौरवको कुरा भएको बताए ।
सिन्धुपाल्चोकमा बन्न लागेको एकिकृत माझी बस्ती निर्माण कार्यक्रममा बोल्दै नायिका स्वेता खड्का । फाईल तस्वीर
चलचित्र मेला पूर्ण ब्यवसायिक तथा मनोरञ्जनात्मक चलचित्र बनेको भएता पनि समाजमा आफ्नो पनि कुनै न कुनै रुपमा सामाजिक दायित्व भएकोले एकिकृत माझी बस्तीको निर्माणमा आफुले सानो सहयोग प्रदान गर्न पाएकोमा खुशी ब्यक्त गर्दै पन्तले आफ्नो सिनेमा हेरेर नेपाली सिनेमाहरुलाई प्रोत्साहन गरिदिन दर्शकहरुलाई अनुरोध गरे ।
सहयोग रकमको चेक बुझ्दै नायिका खड्काले मेला चलचित्र टोलीलाई धन्यवाद दिदै यो सहयोगले सिन्धुपाल्चोकको माझी बस्ती निर्माणको कार्यमा चलचित्रकर्मीहरुको समेत प्रत्यक्ष सहभागीतालाई दर्शाएको बताइन । ‘बस्ती निर्माणको यो अभियानमा सुरुमा म एक्लै थिए, अहिले बिस्तारै सहयोगी साथीहरु पाउदैछु’ नायिका खड्काले भनिन ।
अहिलेका युवापुस्ता माझ निक्कै लोकप्रिय नायक शलोन बस्नेत, आशिस्मा नकर्मी , आमेश भण्डारी र निरज श्रेष्ठ अभिनित मेला कार्तिक २४ गते देखी देशभरिका सिनेमाहलहरुमा प्रदर्शन भईरहेको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस