भूकम्प पीडित जस्ताकै टहरोमा ठन्डी काट्दैछन्
राहात नाउँको मन्डी एकसरोमा ठन्डी काट्दैछन्
कठ्याग्रिएका निला ओठ, चिरा परेका हात गोढा
कतै धरातलमा त कतै समरोमा ठन्डी काट्दैछन्
कहाँ पाउनु ऊनका वस्त्र बिहानीको तुसारो छेल्न
अनाथ सडकमा, अमिर कठ्घरोमा ठन्डी काट्दैछन्
खबर आउन थाल्यो पत्रपत्रिकाहरूमा पनि
निल्यो कति जाडोले, कति अध्मरोमा ठन्डी काट्दैछन्
२०७४ कार्तिक २९ गते प्रकाशित
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस