खबरज्योति
७ कार्तिक २०७४, सिन्धुपाल्चोक ।
गस्तीमा खटिएको प्रहरीले जुगल गाउँपालिकाबाट एक जनालाई हतियारसहित पक्राउ गरेको छ ।
जुगल गाउँपालिका– १ का कुसे थापा भनिने टीकाबहादुर थापालाई १ थान भरुवा बन्दुक, २ सय ५० ग्राम बारुद, खुकुरी १ थान सहित पक्राउ गरेको प्रहरीले जनाएको हो ।
साँझ साँडे ६ बजे सिकार खेल्न निस्किएको थापालाई प्रहरीले पक्राउ गरेको हो । थापालाई हातहतियार तथा खरखजाना ऐन अन्तरगत मुद्दा चलाईएको समेत प्रहरीले जनाएको छ । हातहतियार तथा खरखजाना ऐनमा १ लाख जरिवाना, १ वर्ष कैद वा दुबै हुन सक्ने ऐनमा उल्लेख छ ।
प्रहरीले वैधानिक, अवैधानिक हातहतियार बुझाउन पटक पटक सूचना जारी गरे पनि अझै त्यस्ता हतियार हुन सक्ने प्रहरीको अनुमान छ । पछिल्लो समय जिल्ला प्रहरी कार्यालयले रात्री गस्ती बढाएको छ । शान्ती सुरक्षालाई ख्यालमा राखी प्रहरी गस्ती बढाईएको एसपी मोहनप्रसाद पोखरेलले जानकारी दिए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस